კვირის სიახლების დაიჯესტი

ძალიან ემოციური რობოტი

ჰონკონგში მიმდინარე Asia World Expo ტექნოლოგიურ გამოფენაზე აჩვენეს რობოტო ტექნიკის განვითარების შემდგომი ეტაპი, რობოტი რომლის მხოლოდ თავი იქნა წარდგენილი შესანიშნავად ხუმრობს და შეკითხვებს ადეკვატურად პასუხობს (ზოგიერთი ადამიანისაგან განსხვავებით) მართალი გითხრათ ცოტათი დამთრგუნველი სანახავი თუ როგორ იმეორებს რობოტი ადამიანურ მიმიკებს.

HERE

ვისაც ნოკიას სმარტფონი გქონიათ ალბათ იცნობთ სანავიგაციო სისტემა HERE-ს, რომელიც საკმაოდ მოსახერხებელი გამოდგა, ამიტომ მის შესყიდვაზე რამოდენიმე გიგანტს უჭირავს თვალი მათ შორის Facebook და Apple, როგორც ამბობენ ნოკია სერვისის გაყიდვას 3 მილიარდ ევროდ აპირებს, რაც ამ კომპანიებისათვის არც ისე დიდი თანხაა.

Android Wear  განახლდა

ყველასათვი ცნობილ სმარტ საათების პლატფორმა Android Wear-ს დაემატა რამოდენიმე ფუნქცია: 1. ეკრანი მუდამ ჩართული იქნება თუ კი ხელს არ დაუშვებთ ძირს; 2.სვაიპების გაკეთება ამიერიდან საჭირო არ არის, უბრალოდ ხელის მობრუნებით შეიძლება ეკრანის გადაშლა; 3.დაემატა Wi-Fi-ის მხარდაჭერა და ინტერნეტში გასვლა უკვე სმარტფონის გარეშეც შეიძლება; 4.შესაძლებელია სმაილიკების ხელით დახატვა. ასე რომ განაახლეთ თქვენი საათები.

LG G Stylo

კომპანიამ ძირითადი ფლაგმანის წარდგენამდე კიდევ ერთი სმარტფონი წარადგინა, რომელიც არაფრით არ გმოირჩევა გარდა ერთი პარამეტრისა: მას აქვს 2 ტერაბაიტამდე მეხსიერების ბარათის მხარდჭერა, მართალია გაუგებარია ვის უნდა დასჭირდეს ბიუჯეტურ სმარტფონში ამხელა მეხსიერების ბარათი, რომელიც სმარტფონზე ძვირიც კი შეიძლება ღირდეს, მაგრამ ფაქტი მაინც აღნიშვნის ღირსია. თქვენ გჭირდებათ 2 ტერაბაიტი სმარტფონში?

Sony Xperia z4?

კომპანია Sony-მ მოულოდნელად წარადგინა თავისი ახალი სმარტფონი, ანონსი მხოლოდ იაპონიაში მოხდა და თავიდან მხოლოდ იქ გაიყიდება, დეტალებით რომ არ დაგტვირთოთ იგი მინიმალურად განსხვავდება წინამორბედისაგან და ბევრმა შეიძლება ერთმანეთისაგან ვერც კი გაარჩიოს. თუმცა ვრცელდება ინფორმაცია, რომ ეს სმარტფონი მხოლოდ იაპონიისათვის შეიქმნა და ახალი ფლაგმანი გაცილებით გვიან იქნება წარდგენილი.

 

BlackBerry Venice

მარტის დასაწყისში კომპანია ბლექბერიმ ვიწრო წრეს აჩვენა თავისი ახალი სმარტფონი, რომელსაც ჩასაკეცი კლავიატურა ექნება, ცოტა ხნის წინ კი გავრცელდე რენდერი სადაც ძალზედ უცნაური მოწყობილობაა გამოსახული:

 

 

Review.ge სასიამოვნო შაბათ-კვირას გისურვებთ