iPhone 7: გაჟონილი ინფორმაცია და ფოტოები

როგორც წესი, Apple ყოველ წელს, 9 სექტმებერს, გვაოცებს თავისი ქმნილებებით, ინოვაციური იდეებითა თუ ტექნოლოგიური მიღწევებით, აი მოახლოვდა კიდეც ეს თარიღი და ნელ-ნელა დაიწყეს ჭორებმა გავრცელება ახალი სმარტფონის, iPhone 7 – ის შესახებ, ასევე ხელმისაწვდომია პირველი 3D რენდერის სურათები და ცოტა რამ მისი მახასიათებლების შესახებ, რომელსაც ამ სტატიაში შემოგთავაზებთ. ახლა კი, გრძელი შესავალი რომ არ გამოგვივიდეს და მკითხველსაც არ მოვაბეზროთ თავი პირდაპირ გადავიდეთ იმაზე, თუ რა სიახლეებს გვთავაზობს Apple-ი.

და აი ის ჭორები / ნამდვილი ინფორმაცია, რომელიც iPhone 7 – ის შესახებ მოგვეპოვება:

საცალო გაყიდვები შუა სექტემბრიდან – iPhone 7 საცალო გაყიდვაში ჩაეშვება 16 სექტემბრიდან, სექტემბრის პრეზენტაციიდან დაახლოებით 10 დღეში.

ყურსასმენების ჯეკის გაქრობა – დიახ, სწორად წაიკითხეთ, გავრცელებულმა სურათებმა და ვიდეოებმა დაადასტურეს, რომ iPhone 7 გამოვა 3.5 მილიმეტრიანი ყურსასმენების ჯეკის გარეშე, რათა ტელეფონი წინა მოდელებთან შედარებით თხელი იყოს.

ორმაგი კამერა iPhone Plus – ისთვის – ჭორები იმასაც ამბობენ, რომ Apple გამოუშვებს შედარებით დიდ iPhone Plus – ს (ალბათ iPhone Pro-ს), რომელსაც ექნება ორმაგი კამერა, ხოლო თვითონ ახალ iPhone Plus-ს დიდი ალბათობით ექნება უფრო დიდი ლინზები ვიდრე iPhone 6s -ს.

ახალი ტიპის iPhone-ი –გავრცელებული სურათების მიხედვით თუ ვიმსჯელებთ, Apple iPhone და iPhone Plus-თან ერთად გეგმავს ახალი, მესამე, ტიპის iPhone-ის გამოშვებას, როგორც ზემოთ ვახსენეთ ალბათ iPhone Pro-ს.

სიმძიმეზე რეაგირებადი Home Button – iPhone-ს წინა მოდელების შემთხვევაში Apple-იმ შემოგვთავაზე 3D Touch, რომელიც გულისხმობს ეკრანზე სხვდასხვა სიმძლავრით დაჭერისას სხვადასხვა ფუნქციების გამოყენებას, iPhone 7-ის შემთხვევაში ეს ფუნქცია Home Button-ს დაემატება.

32 GB მინიმალური მოცულობა – საბედნიერიდ Apple მიხვდა, რომ თანამედროვე სამყაროში 16 GB-იანი მოდელების გამოშვება “უაზრობაა” და iPhone 7 გამოვა მინიმუმ 32 GB მეხსიერებით.

უკეთესი კორპუსი – დადის ჭორები იმის შესახებ, რომ ახალი iPhone 7  იქნება წყალგამძლე, რაც გარკვეულწილად ემთხვევა Samsung – ის ფლაგმანური სმარტფონების (Galaxy Note 7 & Galaxy S7 / S7 Edge) მსგავს მახასიათებლებს.