Panasonic-მა 45-გრამიანი ექშენ-კამერა HX-A1 წარმოადგინა

კომპანია Panasonic-მა ახალი ექშენ-კამერა HX-A1 წარმოადგინა, ის გათვლილია სპორტსმენებსა და ადამიანებზე, რომლებიც აქტიურ ცხოვრებას ეწევიან. გარეგნულად მოწყობილობა ცილინდრისებრ ფანარს წააგავს. მისი წონა სულ რაღაც 45 გრამია. ზომები: 83×26 მმ. ამასთან ერთად ახალბედა კარგად დაცულია და აქვს ნორმალური მახასიათებლები.

მას მუშაობა ყველაზე რთულ პირობებშიც კი შეუძლია. აპარატს არ ეშინია დაბალი ტემპერატურების (-10 გრადუსამდე C), უძლებს ვარდნას 1,5 მეტრ სიმაღლიდან (სტანდარტი MIL-STD 810F Method 516.5-Shock). ასევე უძლებს იგივე სიმაღლეზე ჩაყვინთვას (სტანდარტი IPX8 და MIL-STD 810F).

კამერა ასევე გამოირჩევა ღამით გადაღებული კარგი ხარისხის გამოსახულებით: ინფრაწითელი-ფანარი (ცალკე იყიდება) და ინფრაწითელი ფილტრი Glasscover (ღამის რეჟიმი) იძლევა საშუალებას გადავიღოთ ცხოველების სიცოცხლე ღამის საათებში. აქვს Wi-Fi მოდული, შეგვიძლია გადაღებული კადრების გადაგზავნა სოც. ქსელებში. აქვს Twin Camera ტექნოლოგია, რაც იძლევა საშუალებას მოვახდინოთ ექშენ კამერაზე გადაღებული კადრების გადაცემა რეალურ დროში Panasonic-ის 2015 წლის ვიდეოკამერებზე. ვიდეო დამატებით ფანჯარაში გამოჩნდება, რაც იძლევა საშუალებას გადავიღოდ ორი ადამიანი ერთდროულად ან ერთი ობიექტი სხვადასხვა ხედვის კუთხიდან.

კამერა აღჭურვილია 1/3” MOS-სენსორით ეფექტური გაფართოებით 2,83 MP ვიდეოსთვისა და 2,66 ფოტოსთვის. ვიდეო: 1080/30P, 720P-ზე შეგვიძლია 60 კადრი/წამში ტექნოლოგიის გამოყენება, ხოლო 848×480-ზე 120 კადრი/წამში. გაყიდვაში ის ამ წლის ივნისში გამოვა.

ფასი: 199,99$;