Review.ge ტექნოლოგიური ჟურნალი "რევიუ"
Sammobile-ზე გავრცელდა ინფორმაცია, რომ Galaxy S8 10 ნანომეტრიანი ჩიფსეტით წარსდგება, რომელიც 32 ბირთვიანი Mali-G71-ის გრაფიკული პროცესორით იქნება აღჭურვილი და ეს საკმარისი იქნება დააკმაყოფილოს Google-ის მოთხოვნები DayDream ვირტუალური რეალობის პროექტისთვის.
Galaxy S8-ის შემადგენლობაში ასევე იქნება 4K რეზოლუციის ეკრანი, ორი კამერა, 6 გიგაბაიტიანი ოპერატიული მეხსიერება და მთლიანად მეტალის დიზაინი.
საინტერესეოა რამდენად დაიცავს Samsung-ი ახალი ფლაგმანის აწყობის ხარისხის წესებს, რადგან Galaxy Note 7-ების აფეთქების შემდეგ რამდენიმე ათეული მილიარდიანი წაგება აქვს. ასევე Galaxy Note 7-ის აფეთქებებს მოყვა Galaxy S7-ის რამდენიმე მოდელის აფეთქება, Galaxy Core-ის და Galaxy Note 2-ის აფეთქებაც კი. როგორც ჩანს პრობლემა ახალი პარტიის სმარტფონებს ეხება.
მიუხედავად იმისა, რომ Galaxy Note 7-ები დროებით მოიხსნა გაყიდვებიდან და სამსუნგმა უკან დაიბრუნა გაყიდული სმარტფონები, უკვე ბაზარზე თავიდან ჩაშვებულ Note 7-ებს (რომელებზეც თითქოს უნდა მოხსნილიყო პრობლემა) მაინც აღმოაჩნდათ პრობლემა, მომხმარებლების თქმით Galaxy Note 7 ძალიან ცხელდება (ინფორმაციას ავრცელებს The Wall Street Journal-ი).
Samsung-ი თავიდან ამ პრობლემის მოგვარების მიზნით მომხმარებლებს ურჩევდა 50 პროცენტამდე დაეტენა სმარტფონი, რამდენიმე ხნის შემდეგ 70 პროცენტამდე გასცა რეკომენდაცია, ახლა კი ეს ლიმიტი 80 პროცენტს შეადგენს.
Samsung-მა აფეთქებისგან თავის დასაცავად სპეციალური ქეისიც კი გამოუშვა! მაგრამ, ღირს კი საფრთხეში ჩაიგდოთ თავი? 😉
