Review.ge ტექნოლოგიური ჟურნალი "რევიუ"
ჯერ არ გამოსული სმარტფონების ინფორმაციის ყველაზე პოპულარულ გამჟონავ – Evan Blass-ს ახლაც აქვს ისეთი ინფორმაცია, რომელიც გაგვაოცებს. ამჯერად საქმე ეხება კომპანია HTC-ს, რომლის დიზაინერმა – Danelle Vermeulen-მა თავის გვერდზე განათავსა პროექტი სახელად “HTC Ocean”
ვიდეოზე ნათლადაა გამოსახული ორ კამერიანი სმარტფონის კონცეპტუალური რენდერი, თუმცა საინტერესო და შთამბეჭდავი არის ამ მოწყობილობის მთავარი ფუნქცია, რომლის წყალობით ის ყველა დანარჩენი სმარტფონისგან განსხვავდება, მასში გამოყენებულია HTC-ის “Sense Touch” ტექნოლოგია.
- რა არის HTC Sense Touch?
ამ ფუნქციონალური კონცეპტის აზრი ისაა, რომ სმარტფონის კანტებს ექნება ჩაშენებული სენსორები, რომლითაც მომხმარებელს შეეძლება სმარტფონის გვერდებზე შეხებისას გაააქტიუროს სასურველი აპლიკაცია, აუწიოს/დაუწიოს ხმას, კამერაში გადაიღოს სურათი, შეცვალოს ფოტო პარამეტრები როგორიცაა ISO, ექსპოზიცია, zoom და ა.შ
- დროა დავემშვიდობოთ ღილაკებს ჩვენ სმარტფონებზე?
3.5მმ-იანი ყურსასმენების პორტის არ იყოს, მექანიკური ღილაკები უკვე ძალიან დიდი ხანია არსებობს და აბსოლუტურად ყოველ სმარტფონს თუ მოწყობილობას აქვს. ამ შემთხვევაში HTC-ის ახალი სმარტფონის კონცეპტი სრულიად უღილაკოა, როგორც უკვე აღვნიშნე HTC Sense Touch ტექნოლოგიის წყალობით. ინტერნეტში ასევე გავრცელებულია ჭორები, რომ ამ ტექნოლოგიით აღჭურვილი იქნება HTC-ის შემდეგი ფლაგმანი, HTC 11.
- როგორ მუშაობს HTC Sense Touch ტექნოლოგია?
ამის დეტალებში გასაგებად, იხილეთ ვიდეო:
